O loo suesueina nei e leoleo se faalavelave ua ta’ua ai se tamaititi na maua atu ua uma lona ola i se fale i le Gold Coast. O leoleo suesue na valaau ane i le fale lea i le taeao ananafi fai mai paramedics o se teineititi pe ā ma le 2 tausaga na maua atu i totonu o le fale ua uma lona ola.
Na molimau se tasi o tuaoi i le 9News e le masani ona faalogoina se pisa i lea faaitu ae o lona manatu pe ā ma se toa 10 leoleo na vaaia i luga o le alatele i le taimi lea ma ua faailoa foi la e leoleo e ono faaumiumi le suesuega i lenei mataupu.
E le o iai nisi faamatalaga o avanoa mai leoleo i le taimi nei ae ua faailoa o le fale na maua atu iai le teineititi o se tasi o nofoaga e taugata i le faaitu lea o le Gold Coast.
