O loo faatino nei su’esu’ega a leoleo i le faalavelave na maliu ai se alii i West Auckland i le faai’uga o le vaiaso ae lē mailoa tonu le mafuaaga.
Sa iai leoleo i le nofoaga lea i Clover Drive i Henderson talu mai le Aso Toonai e pei ona ta’ua i lipoti a le Herald a o se faamatalaga mai leoleo i Waitemata ua ta’ua ai e lē o mafai ona faamatalaina e leoleo le mafuaaga o le maliu ma o loo faatino pea a latou su’esu’ega.
Fai mai le lipoti ua mae’a ona logoina e leoleo tagata e latalata i lē ua maliu ma tuuina foi fesoasoani mana’omia i taimi faapenei ma o loo talosagaina foi e leoleo le fesoasoani a nisi e silafia ni faamatalaga i lenei faalavelave ina ia fesoasoani ane.
Fai mai se tasi o tuaoi e pei ona faailoa i le Herald o loo galulue leoelo i lalo o se fale’ie i totonu o le lotoā lea ma na vaaia o loo laeiina lavalava faapitoa mo su’esu’ega, boiler suits.
