Ua faailoa e le leoleo su’esu’e o Glenn Baldwin i le aufaasalalau i le asō na maua atu se alii e tigaina ona manu’aga i se tuatusi i Tuarangi Rd i Grey Lynn i le po anapo, faia iai galuega lavea’i peitai na maliu lava mulimuli ane.
O le faalavelave lea ua lipotia na aga’i ai leoleo faaa’upegaina i le tuatusi lea a o lei tāina le 7 i le afiafi ona o lipoti o se fana na faalogoinna o faapā ane.
E to’atolu isi tagata ua lipotia o loo manunu’a foi ma o loo i le falema’i lipotia e iai manu’aga mai le fana.
O le taimi nei e pei ona faaalia e Baldwin o loo galulue leoleo e faamautū le mea tonu na tupu ma i latou uma o loo aofia ma e lē taumate ua faate’ia le komiuniti i lenei faalavelave ma e talitonu o ē o loo aofia e masani uma i latou ma e lē o tele foi se lamatiaga i tagata lautele ma ua faatulaga foi leoleo i lea nofoaga seia mea su’esu’ega.
I se taimi e lei mamao atu ua faailoa ai i se lipoti a le NZ Herald o lē ua maliu e 18 tausaga o Maxwel Dee Repia e feta’ua’ina sa a’oga talu ai nei i le Aoga a Mt Albert Grammar.
Puna o Faamatalaga: https://www.1news.co.nz/2024/09/06/one-dead-three-injured-in-auckland-shooting/
