Ua lipotia i le 9News i le asō o loo faia se su’esu’ega a leoleo i le prop a le ‘au a le Canberra Raiders, Josh Papalii ona o se mataupu na aofia ai i le amataga o le vaiaso nei.
Fai mai le lipoti na valaau ane leoleo i le kalapu a le Raiders i le vaveao o le Aso Gafua ona o ni alii se to’alua ua lipotia lo la faaleaga o ni mea i lea nofoaga ma mumusu e aga’i ese.
Fai mai le lipoti na faamalosi e leoleo le aveesea mai o Papalii ma se tasi alii mai lea nofoaga ae na toe foi ane lava i se taimi mulimuli ane.
O loo faaauau le su’esu’ega i lea mataupu ae leai ni moliaga ua faia.
Puna o Faamatalaga: https://www.9news.com.au/national/police-investigate-canberra-raiders-star-josh-papalii-over-an-incident/76fde7fb-18dd-4e63-bea3-4af7c1a718a1
