O le taeao nei e faatoa toe amata sue ai le tamaititi o loo leiloa i Manukau Harbour.
O le 10 tausaga o loo sue o ia lea o le toatasi o le toalima sa o i le vaa lea na mafuli i le po o le Aso Sa e latalata i Clarks Beach i Aukilani.
E toalua lea na toe feausi i le pa’u mātū, toatasi na laveai mai le vai, maua le toatasi ua maliu ma le tamaititi o loo su’e.
O le tamaititi o loo su’e e aoga i le Sandspit Road School e tusa ma lipoti a le Newshub ma o le po anapo na sau ai le tala mai le ofisa o leoleo ua taofia seia oo mai i le taeao nei.
A o toe faagasolo ai suesuega i le taeao nei, ua toe sau ai foi ma le faamanatu e tautuana le saogalemu a o aga atu i tafaoga o le summer.
