O loo su’esu’e nei e leoleo le faalavelave na tatui ai se’i tulou se tama e 19 tausaga i le ogatotonu o Melepone i le po anapo lea na aafia ai i ni manu’aga tugā.
Fai mai lipoti o le ‘afa o le 10 i le po anapo na valaau ane ai leoleo i se faalavelave e lata i Queen ma Franklin streets.
E maua atu ai le 19 tausaga lea ma ona manu’aga ma ave ai loa i le falema’i.
Na lipotia ane e nisi i leoleo na vaaia se tasi alii o momo’e ese mai le nofoaga na tupu ai le faalavelave aga’i i Elizabeth Street, e ui i sailiga i le po anapo peitai e lei maua.
O loo faaauau pea i le taimi nei le su’esu’ega.
Puna o Faamatalaga: https://www.9news.com.au/national/man-injured-during-melbourne-stabbing/e9dcbb23-e1c6-4384-8dff-5163faed9a5b
