Ua faavave nei le faiga o se suesuega ma sailiga o le tagata lea na pa’ū ese ma le vaa tele o le cruise ship o loo aga atu mo Hawaii.
O se alii lea o loo lipotia na pa’ū ese ma le vaa o le Quantum of the Seas poo le vaveao o le aso ananafi i le tusa lea ma le 1400km i le itu i Saute o motu o Hawaii.
Na talosagaina le pasese a le vaa e toe foi uma i o latou apitaga a o tau faamautu poo ai tonu lea o loo aafia, pe ā ma le 90 minute mulimuli ane ae toe faataga ona o ese pasese mai o latou potu.
E le o mailoa poo ai tonu le tagata e pei ona faailoa i se lipoti ae o le vaa ua atoa le 15 aso i luga o le sami ma fuafua e taula i Honolulu ae faatoa foi mai mai Tahiti.
O le aso 12 o le masina nei na agai ese mai ai ma Brisbane.
