O loo sa’ilia le tagata na sola ese ina ua mae’a ona ia gaoia le National Australia Bank poo le NAB i lona lālā i le Gold Coast ma sa faaa’upegaina i se naifi.

Fai mai leoleo o le alii lea sa pupuni ona foliga ina ua ulufale i le lālā lea o le faletupe i Coolangata i le aoauli ananafi ma sola ese ai ma tupe.

Na vaaia mulimuli ane o savali ifo i se tasi magāala e lata ane.

E le’i iai se tasi o le aufaigaluega ma paaga a le faletupe na faamanu’alia i lea osofa’iga ae ua petolō nei leoleo i le faaitu lea i se vaega o lenei su’esu’ega.

Ua talosagaina foi nisi e silafia ni faamatalaga i lea alii ina ia fesoota’i vave ane i leoleo poo le Crimestoppers.

Ua lapata’i mai leoleo i le aufaipisinisi ma soo se tagata ia mataala ua oo foi i le taimi e su’e ai mea aogā a nisi i auala faasolitulafono e pei ona faatino e lea alii.

Puna o Faamatalaga: https://www.9news.com.au/national/coolangatta-bank-armed-robbery-gold-coast-crime-news/5f01198d-8bea-4307-9787-cf4ad0d81cc5