O loo saili nei e leoleo se alii fai mai na fai le matapulepule poo le mask ma o loo feta’uaina sa ia taumafai e ave faamalosia mai se teineititi mai se a’oga i Adelaide.
Valaau ane leoleo i le a’oga lea a Glenelg Primary poo le ta o le 10 i le taeao o le Aso Lulu ina ua lipotia ane le mataupu lea, fai mai na ia taumafai e toso le lima o le teine a’oga ae talitonuina sa aga’i ane i le a’oga ma ui mai i le vaega e iai le falelēta’ua tulou.
Faailoa i le lipoti na sola ese mulimuli ane ma o loo ta’ua ua mae’a faatalanoa tamaiti a’oga, faia’oga ma mātua ma o loo mana’omia e leoleo le fesoasoani a le atunuu i le sailia o lea alii.
