Muamua atu i se lipoti faapitoa mai le motu o Niu Kaletonia ma vevesi o loo tulai mai ai.
Ua folafola e Farani ua tuuina se tulaga e manaomia vave ai se fesoasoani i totonu o lea teritori, state of emergency mo le a itiiti mai e 12 aso, ma ua faamalosia malosiaga o le vaega o sekulati e faafilemu ai vesiga ua maliliu ai tagata e toafā i le taimi nei.
Ua faia lea faaiuga a Farani ina ua mae’a le fonotaga na faia i le aoauli ananafi i Paris lea na faasā ai loa foi e leoleo le toe faaaogāina o le Tik Tok.
Fai mai le matagaluega o mataupu tau lotoifale a Farani o le taimi mulimuli na faatino i se tulaga faapea i sona teritori o le 1985 ae o Niu Kaletonia foi.
Fai mai le sooupu a le malo o le faamuamua o loo ave i le faafilemuina o le atunuu ma nofo lelei.
Ua tuuina ai foi ma se lapataiga i tagata Ausetalia o fuafua e faimalaga i Niu Kaletonia ina ia silasila i tulaga tau le saogalemu ma ua iai foi faigamalaga ua faalēaogāina.
O le folafolaga o nisi o suiga i faigapalota i le atunuu na afua ai ia vevesi.
Puna o Faamatalaga: https://www.9news.com.au/world/new-caledonia-riots-france-readies-state-of-emergency/8634de5b-00e0-4edc-84a6-7d611002b1f7
