A o lei taina le 9 i le taeao ananafi i le taimi Ausetalia ae tofu loa ma se taavale i le ofisa o se nofoaga e vaaia ai tamaiti, daycare i le itu i Matu o Melepone ma ave atu ai loa se pepe i le falemai mo togafitiga.
Fai mai le 7News o le taimi tonu lea na soso’a ai e le taavale lea le pito i luma o le Bright Beginnings Family Daycare i Broadmeadows ma e toafa na aveina ai i le falemai e aofia ai ma se pepe.
Fai mai o loo manuia le isi toatolu. Lipotia e faapea na vaaia se tamaitai o sii ane le pepe i totonu o le taavale a le falemai e agai atu le fesoasoani faavavave e aveesea mai le taavale mai le fale.
Fai mai o le avetaavale o se tamaitai, sa taumafai e faapaka le taavale ae emo ane ua soso’a atu ai ma le pito i luma o lea nofoaga.
O loo faatalia se isi lipoti i si pepe o loo togafitia nei i le falemai.
