O iloiloga sa faatino e le Komisi e pulea tagata faigaluega a le Malo sa faapena ona toe iloilo ai nisi o avanoa faigaluega i matagaluega a le Malo, na taunuu ai i le faapafala o le 126 o avanoa faigaluega ua lē toe moomia, ae iloilo avanoa faigaluega e 326 sa taofia ona toe faatumu.
O le taimi nei o loo faagasolo le vaega lona 3 o lea iloiloga i tiute, o matafaioi ma tomai poo talafeagai aemaise le toe iloilo ai ma totogi o avanoa faigaluega uma poo talafeagai ma o Tesema o le tausaga nei ua fuafua e mae’a ai lea iloiloga.
O le saunoaga tali i le Palemene i le po o le Aso Tofi ua mavae, a le ta’ita’i o le Malo le afioga i le Palemia o loo iai le vaaia o le komisi e pulea tagata faigaluega a le Malo, na ia faailoa ai lea tulaga e pei ona toe poupou ma faatulaga ai i ni iloiloga tiute ma matafaioi o le komisi e tutoatasi ae lē o se isi matagaluega a le Malo.
