Ua lauina le iuga o Beant Singh 49 tausaga lea na molia i le fasiotia o lona toalua o Binderpal Kaur 42 tausaga, na maliu i le masina o Setema 2020.
Ua faailoa e lipoti a le NZ Herald i le asō e manatu lona aiga na mafua ona faaoo e le ua molia le oti i lona toalua i lo la fale i Papatoetoe ona o le le mafai ona maua o sa la fanau.
I le faamasinoga maualuga i Aukilani i le asō na vaaia ai loimata maligi mai le aiga o le ua maliu na malaga mai Initia ma faamatala ai o si tamaitai ua maliu o se tagata agaalofa, faamaoni ma galue malosi.
O le faaiuga a le faamasinoga ua faasala ai i le falepuipui i le olaga atoa.
