Toatele talavou na potopoto I fafo ane o le maota o le palemia i Sini nei ile taeao analeila e faailo ai lo latou tetee ile mataupu e faatatau I le tau ma gaioiga a Ausetalia ua tatau ona faia ia faaitiitia ai faaletonu I le tau.
Mo le toatele oi latou ia e aofia ma tamaiti aoga e amata mai le tai 13 tausaga, ua o latou taua ua patino aafiaga o le tau ia I latou ma o latou aiga aemaise lava I lologa na sei mavae atu nei ona aafia ai Niu Sau Uelese ma Kuiniselani.
Fai mai le latou mau talosia ia lagona e le palemia la latou valaau ma faia ia se faiga e Ausetalia e faaititiia ai aafiaga I le siosiomaga ma le osone aemaise lava I le mataupu I le faatupeina pea e ausetalia o fossil fuels, malosiaga e pei o le koale, penisini ma le kesi.
O leisi foi vaega tetee le Blockade Australia sa pueina foi e leoleo nisi o o latou sui sa faatino tetee I luga o se train lau oloa I Marrickville ma poloka ai feoaiga a trains, e faapea foi I leisi tamaitai sa pueina mai ise tasi o ala laupapa I Sini ua poloka ai foi femalagaaiga a tagata agai atu I galuega ma aoga.
