E tulaga ese solo tete’e na faatautaia i Morocco i le faaiuga o le vaiaso talu ai, o solo tete’e faasaga i le faigamalo a lea atunuu ma vaaia ai le anoano o talavou Morocco ua savalia aai i le atunuu ma faailoa ai a latou faitioga i le faigamalo; ona o le faaalu o tupe i itaaloga faavaomalo ao tuulafoai auaunaga tau le soifua maloloina ma a’oa’oga i le atunuu.
Fai mai le CNN o le taimi nei e tolu stadiums fou o loo fausia ma toe faafou ina ia talimalo ai i nisi o fuafuaga e pei o le Africa Cup of Nations i le faaiuga o le tausaga nei.
Fai mai na taumafai leoleo e faata’ape solo tete’e ia i a’ai ese sa faatino ai. Matele i tupulaga talavou le au solo tete’e ma e lua kulupu o loo una’ia ia solo tetee, ole Gen Z 212 ma le morocco Youth Voices, o loo finau mo ni totogi lelei o tagata faigaluega ma lelei galuega faapea le tau o le soifuaga.
Puna o Faamatalaga: https://edition.cnn.com/2025/09/28/africa/gen-z-moroccans-protest-stadiums-intl-latam
