Ua amata le solo tetee i Sini ma Canberra a le aufaigaluega mo le aoina o le otaota ona o le finauina o le faaleleia o tulaga e faatino ai galuega.
Ua vaaia le aufaigaluega i fafo ane o le nofoaga e lafoai ai le otaota i Erskine Park ma ua faailoa e 24 itula le latou campaign lea e tetee atu ai foi i le uumi o taimi o a latou sifi ma le faaitiitia o le totogi o ovataimi.
O le faatinoina la o le solo tetee o lona uiga o le a lē aoina ai bins o otaota mai le aai i Sini ma isi faaitu lalata ane e pei o Randwick, Erskine Park ma Silverwater i totonu o le isi 24 itula.
O le solo tetee o le a aofia uma ai nofoaga e aumau ai tagata ma nofoaga o pisinisi.
O le taimi lava foi lenei o loo faagasolo ai le isi solo tetee a le aufaigaluega lava faapea i Canberra.
