O faiaoga mo le silia ma le 60 Kolisi o le TAFE i Niu Sa Uelese na solo tetee i le aso ananafi mo le 24 itula a o valaau ai mo ni totogi lelei ma faaleleia tulaga o galuega.
O le NSW Teachers Federation ma ona sui mai vaega eseese o le atunuu ua o latou sailia nei se isi maliega tau galuega mai le faigamalo a Niu Sa Uelese.
Fai mai le peresetene o le Federation o Angelo Gavrielatos na ia ta’ua o le tuuina ane o se faaitiitiga i totogi o faiaoga i TAFE o le a atili le lelei ai le avanoa o ia polokalame e saili ai galuega.
Fai mai a ia o le aveesea o le aufaigaluega fesoasaoni ua vaaia ai le faateteleina o galuega fai ma ua agai ese ai ma isi faiaoga mai ia latou galuega.
O le ta o le 10 i le taeao ananafi taimi Ausetalia na amata ai le solo tetee i le ofisa o le TAFE NSW i Ultimo i Sini.
