Pe a male 700 le aufaigaluega i nofoaga o le Countdown i Aukilani ua agai ese ma galuega ise mataupu ua lipotia e le ZB e mafua mai ona o totogi. Fai mai se faamatalaga e tolu aso ua agai ese ai le aufaigaluega lea mai distribution centres e lua a le Countdown i Aukilani .
Fai mai le First Union o tagata faigaluega i Aukilani o loo feagai ma le siitia o le tau o fale mautotogi ma tau e aofia ai ma o loo talosaga ise tulaga e manatu latou e talafeagai mo le siitia o totogi. Fai mai le o loo tuufaatasia lenei taumafaiga o Jared Abbott o tagata faigaluega sa finau lava mo ni nai masina ma ua fiu foi. Sa o latou saili mo se siitaga e 4.9 pasene ia o gatasi ma le Consumer Price Index ina ia talafeagai.
Peitai ise pepa o faamatalaga mai se sooupu a le Countdown ua taua ai pei ona lipotia ua le fiafia I tagata faigaluega ona o le latou manaoga e faatino le solo tetee e ui o loo faia pea feutanaiga ae o le manatu o le kamupani sa iai se ofa lelei sa fuafuaina.
Taua e le sooupu lea a le kamupani o le a vaaia e paaga ale Countdown avanoa I luga o fata o le faleoloa I ni nai aso o loo sosoo mai pe ni nai vaiaso foi ona o le tulaga e pei ona taua ae o le a taumafai ile mafai e gata ai ia faatino pea le auaunaga o le ofoina o taumafa ma oloa mo aiga o NIu Sila e pei ona masani ai le auaunaga.
Fai mai le Iuni o le solo tetee ose laasaga faaiu lea ua agai iai le aufaigaluega ona o finauga lava tau i totogi ma ua matuai tele tupe ua maua e le Countdown ile taimi o le faamai.
