Ua tau fai faailoa alofaaga ma faamālō a le toatele o taitai o le lalolagi i le tamaitai Palemia o Niu Sila, Jacinda Ardern ina ua faailoa lana faaiuga e faasee ese mai le tofi Palemia i le masina fou.
O le Peresetene o Amerika Joe Biden ma lē sa avea ma failautusi o le setete i se taimi ua sola, Hillary Clinton ua faailoa mai le agaga faamālō i luga o upega tafailagi agai i le sao o Ardern ma lana taitaiga i upufai o malo talu mai le 2017.
Saunoa foi Clinton i luga o le twitter o le a manatua pea Ardern i lana taitaiga o lona atunuu ma lona malosi i le taimi o faigata sa feagai ai ma Niu Sila i le taimi ua sola.
Faapea foi se faamatalaga mai le Palemia o Ausetalia, Anthony Albanese ua ia momoli ai le faamālō i le tamaitai Palemia i lona sao i le fesootaiga a atunuu e lua ma vaega sa galulue faatasi ai.
