I le faasolo ai o taaloga ua ta’ua o le Para Athletics i New Delhi, o lea ua faamaonia nei le suipi mai o le tamaita’i o Lisa Adams i le pine ‘auro mo le taaloga o le togi pulu mamafa (shotput).
E pei ona sola mai ai lenei tamaita’i ma le siamupini i le tauvaga o le women’s shot put F37.
I ripoti e faapea o le vaega muamua o lana taaloga na molimauina ai le mamao o le velo a lenei alo o le atunuu e pei ona faamauina e 13.83 le mamao na oo iai lana velo ma e lei toe pa’ū lava ana taumafaiga i vaega mulimuli ane.
O le 3 ai lea o manumalo a Lisa Adams i lea tauvaga faavaomalo, e pei foi ona ia manumalo ai foi i le tausaga 2019 ma le tausaga 2023.
Mo le silafia o lea tamaita’i o se tasi o uso, i le tamaitai iloga o taaloga olimipeka mo Niu Sila, i le togi pulu mamafa, ma le taaloga paseketi polo. Le tamaitai o Valarie Adams ma le alii o Steven adams.
Puna o Faamatalaga: https://www.facebook.com/share/p/1A1DbQN9Rm/
