O se tala fiafia mo le aoga maualuga o Manurewa ina ua sola le latou ‘aufaili musika poo le band o le Top Shelf ma le manumalo o le tauvaga ua faaigoaina o le Smokefree Rockquest mo lenei tausaga 2024.
O le Top Shelf, o le tasi lea o fa’ili e aofia i le to’aivaselau (900) o ‘aufaili musika a aoga maualuluga mai le atunuu atoa sa tausinio i le tauvaga.
Mai lea numera tele e na o le to’a 10 maualuga poo le Top 10 na saofagā i le sailia ai o sē o le a manumalo i lea tauvaga tele.
Ma o lea na sola ai le ‘aufa’ili a le Top Shelf mai le aoga o Manurewa, ma tulaga lua ai le The Splinters mai le aoga o le Havelock North mai le Hawkes Bay, tulaga tolu le Rumpus Machine mai le Kolisi o Long Bay mai North Shore.
O nisi o vaega na aofia i lea tauvaga o le pese ta’ito’atasi ma le ta’ito’alua poo le solo/duo na sola ma Emerson o le Te Aho o Te Kura Pounamu o Aukilani Tutotonu, ae tulaga lua ai Kolya Marks o le kolisi o Kuranui o le Waairarapa.
Na manumalo Hannah Hyde o le Rumpus Machine i le failoga o le Musicianship Award.
O le Smokefree Best Vocals Award na manumalo ai Ahi Edmond o le R67 mai le TKKM o Ruamata o Rotorua.
O nisi o faailoga o lea tauvaga e aofia ai le ZM Best Song Award na mauaina e Emerson o le aoga a Te Aho o Te Kura Pounamu, o le APRA Lyric Award na mauaina e Deacon Kynan-Wilde o le kolisi a Central Southland ma le Rockshop Electronic Performance Award na sola foi ma le tamaitai o Emerson o Te Aho o Te Kura Pounamu.
Puna o Faamatalaga: https://www.facebook.com/story.php?story_fbid=1082091623917627&id=100063503982562&rdid=8fJh0GAj32S6wo2g
