Na iai le manatu o le ‘au taitoafitu a alii Niu Sila o le a manumalo i le taamilosaga na talimalo ai Hamilton i le faaiuga o le vaiaso ina ua mae’a ifo le ‘afa muamua o loo 12 Niu Sila i le 0 a Argentina.
Peitai na vave ona toe suia ia faalogona ina ua finau malosi Argentina i le ‘afa mulimuli ma maua ai a latou sikoa e lua mai alii o Santiago Alvarez ma Marcos Moneta, ae le gata i lea na manuia a’a e lua i le pou ma tulai mai ai ‘ai i le faaiuga o le taaloga NZ -12 Argentina – 14.
O se matati’a tāua lea mo le ‘au a Argentina ona o le tausaga mulimuli lenei o le a faia ai se taamilosaga i Niu Sila. Mo ‘au a tamaitai na manumalo le ‘au a Niu Sila i le la taaloga ma le ‘au a Amerika.
Mo le Manu Samoa e lei manuia ana taumafaiga mo le ipu autu ma ua faatulaga mai i le tulaga 5 i le taamilosaga atoa i points e 55.
O Niu Sila o loo tulaga muamua i points e 63, sosoo ai ma Amerika i le tulaga lua i points e 61, tulaga tolu Argentina 59 ma Aferika i Saute i le tulaga fa i points e 57.
