Tolu masina ae ua silia ma le $1 miliona tupe faaalu a tagata totogi lafoga i malaga faavaomalo a minisita.

O le uluai taimi lea ua faaaluina ai lea vaega tupe tele i totonu o le kuata tausaga ma mai le Palemia o le a faia se suiga.

O Iulai agai mai ia Setema lea na faaaluina ai le $1.28 miliona i malaga faavaomalo a minisita ma o le Palemia lea e maualuga ai lana fuainumera, e $329,000.

O malaga nei a le Palemia na alu ai i Europa, maliu o le tupu tamaitai, malaga i Amerika faapea ai ma fonotaga ma Malo Aufaatasi.

I se saunoaga mai le palemia Jacinda Ardern, o le tele o nei faigamalaga sa taumafai e toe maketi atu ai Niu Sila i atunuu i fafo, atoa ma le taugata o feoaiga i vaalele.