E silia ma le 3 afe talosaga mo visa e lei tagofia lava mo le oo atu i le 3 masina ona o se faaletonu i le system.
Ua faailoa mai i lipoti a le newshuub i le aso o faaletonu talu ai nei i tulaga faatekonolosi ua aafia ai ma le Immigration NZ. Fai mai ua aafia ai ma talosaga e 3,200 o visa mo matua ma matua o matua, visa tafao na tuuina i le masina o Aokuso ma Setema.
Fai mai nisi faatoa iloa lava lea tulaga i le vaiaso nei i ni faamatalaga i luga o le social media ma ana le valaau i le ofisa o le Immigration e le maua ane loa visa o ona matua ua leva ona faatalitali ai.
Ua ta’ua i le lipoti o loo galulue nei le Immigration i le foiaina o le faafitauli ma tuuina visa tafafao mo e na talosaga ae o le isi itu ua ta’ua e i latou na talosaga, o loo agai pea i luga le tau o faigamalaga mo le Kirisimasi ma ua atili ai ona faaopoopo atu i luitau o loo feagai ma tagata.
