E silia ma le 2,800 tagata ua faia palota i le palota laititi ua faia i Hamilton West.
O le bi election lea e sailia mai ai se sui o le palemene mo Hamilton West ina ua faamavae lē sa tulai mai ai o Gaurav Sharma. O le aso 28 o Novema na amata tatala ai le faia o palota ma e tapunia i le aso 10 o le masina lenei le ta o le 7 i le afiafi.
I le fa aso muamua talu ona tatala palota ua faailoa mai e le stuff e 2843 tagata ua maea ona faia palota.E mafai ona palota i le palota lea pe afai o loo lesitala i le itumalo o Hamiltone west pei ona faamaonia ai e le Ofisa o faigapalota.
E 9 nofoaga palota o le a matala i le Aso Toonai lenei ma le 3 e matala taeao i le Aso Sa mo le faia o palota a tagata ese mai le easyvote card ua lafoina i nisi mo le faafaigofie o le faiga o palota.
