E silia ma le 200 miliona le aofai o peimeni o le Medicare o loo taofi pea e le Services Australia ma o loo iai foi auala faigofie e siaki ai pe e te agavaa i nisi o ia tupe.
O le minisita o auaunaga a le malo Bill Shorten na ia ta’ua o nei peimeni sa tatau ona totogi agai i tagata o loo iai se faaletonu ia latou accounts poo tusitupe aemaise pe afai ua leva e lei toe faafouina faamaumauga o a latou tusitupe pe ua suia foi tuatusi ma sui faletupe.
Ua faailoa mai o Tasmania lava ia e 20 afe tagata o loo misia le maua o tupe mai penefiti i lea faaitu e oo atu i le 4 miliona le tupe o penefiti ia e lei totogia i tagata.
Saunoa le minisita o le auala vave ma faigofie e siaki ai pe e te agavaa e maua se peimeni o le siaki lea poo up to date faamaumauga o lau Medicare e ala i le faaaogaina o le MyGov app.
O le upega tafailagi a le Services Australia.
