Ua silia ma le 100 avanoa faigaluega ua aveesea mai ma polokalame ua faamuta pe toe tolopo i le NZTA ona o suiga i le faigamalo.
Na faailoa i lipoti a le RNZ i le asō e oo mai i le asō ua 109 avanoa faigaluega ua aveesea mai poloketi e pei o le Clean Car Discount, le Climate Emergency Response Fund ma le Lets Get Wellington Moving ae toe faaopoopo atu i lea le folasaga mai le vaiaso talu ai, o le a aveesea foi le isi 12 avanoa faigaluega i le vaega o Customer and Services Digital Team ina ia ausia ai le faamoemoe o le malo e faaitiitia tupe faaalu i le 7.5 pasene.
Ua faailoa i se lipoti i le asō e ono iai nisi avanoa faigaluega e toe aveesea foi ona o le faaitiitia lava o le paketi ma isi mea ua ave iai le faamuamua, e pei ona faamatala e se tasi o pule o le faalapotopotoga.
I le isi ofisa le Ministry for Primary Industries ua faamaonia mai e 391 avanoa faigaluega o le a aveesea foi tusa lea o le 10 pasene o lana aufaigaluega.
O isi ua talia le vāea ae o isi ua aveesea avanoa faigaluega ona o le faaiuga a le matagaluega.
O le aso 1 o Iulai e amata faamamalu uma ai suiga ua faia.
Puna o Faamatalaga: https://www.rnz.co.nz/news/national/516963/nzta-to-cut-more-than-120-jobs-as-mpi-confirms-391-roles-going
