Ua silasila nei ma le toto’a le kamupani vaalele a le Ea Niu Sila ia foia pe faaitiitia le mataupu e uiga i ato e mafai ona ave i luga o le vaalele, carry-ons ma i latou e faia pea le amio o le lē usitaia o le tulafono faatatau i tulaga faatagaina o ia uta.
E pei lava o isi kamupani vaalele uma e fuaina le mamafa o ato, le paleni ma le suauu manaomia o le vaalele i soo se faigamalaga ina ia mautinoa e saogalemu le faigamalaga, o lona uiga e iai foi ma tulafono o le tele o mea e mafai ona ave e le vaalele.
Na saunoa ai se sui o le Ea Niu Sila, Kate Boyer i le Newshub e faapea ua silasila nei a latou teams i nisi o pasese ua matuai ova atu le mamafa o a latou carry-ons e lē gata ua faaopoopo ai le mamafa i le vaalele ae ua tulai ai foi ma se tasi o luitau o le lē lava o le avanoa i luga o le vaalele ma faatuai ai le taimi e board ai le vaa ma le taimi foi e agai ese ai le pasese pe a taunuu.
E lē gata i lea ae o le faaitiitia ai o le avanoa mo ato a isi pasese.
O nisi tulaga ua ta’ua e ono faia i le pasese pe afai e ova le mamafa o le carry-on o le fautuaina lea o le faaopoopo o se ato faaopoopo i le ticket i le taimi e fai ai.
Tele ma eseese finagalo faaalia o le atunuu i le mataupu lea ua agiga i upega tafailagi.
