O loo vaavaai agai ia Ausetalia le alii Palemia o Christopher Luxon i le tulaga o mea i le siomaga, infrastructure a o iai i sana malaga asiasi i lea atunuu i le vaiaso nei.
Fai mai lipoti e muamua afea e le Palemia Sini e asia ai le Sydney Metro line o se poloketi ua ia ta’ua ua faaāta ai le ituaiga infrastructure e manaomia e Niu Sila.
Fai mai le Palemia ua leva ona ia mata’itūina Niu Sa Uelese ma le faiga o a latou fuafuaga ma e faapea foi le setete o Vitoria.
Saunoa Luxon o lona manatu o le lu’itau i Niu Sila ona e fai ma sui le faataamiloga o le polokiki ma leai ai a se mea e tupu.
O lona finagalo o lana malaga lona tolu lea i Ausetalia e lē gata ina ia silasila ai i le itu lea ae o le faamalosia atili o sootaga ma Ausetalia.
O le asō o loo iai i Canberra mo le fonotaga ma le Palemia o Ausetalia, Anthony Albanese.
Puna o Faamatalaga: https://www.1news.co.nz/2024/08/16/luxon-eyes-australia-for-infrastructure-transport-inspiration/
