Na lipotia i le aso ananafi e le One News sa silasila le Te Whatu Ora i le fetuunaiga o tausi soifua i le atunuu atoa e fesoasoani ai i le matuai manaomia lava o lea auaunaga aemaise lava i le vaega o le emergency ae toe fai le latou faaiuga e fai si faigata foi ma iai lamatiaga. 

Ta’ua i le lipoti sa faailoa e le ofisa sili o le Te Whatu Ora, Margie Apa sa o latou faatalanoa le tulaga lea e fetuunai ai tausimai i falemai mo se fesoasoani peitai ua faia le faaiuga e ono le saogalemu ona e eseese uma auala e faatino ai mea i falemai uma. 

Pau le tulaga o loo ta’ua i le lipoti ua faatino nei o le fetuunai lea o tausi soifua mai vaega o gasegase le tigaina agai i le emergency pe afai e iai le tomai talafeagai.

Ta’ua foi e Apa o le isi tulaga sa faatalanoa o le tuuina lea o ni urgent care clinic vouchers i gasegase e agai atu i le emergency ae le o iai se tulaga faavavave o manaomia ai se togafitiga.

Ua ta’ua foi e le ofisa sili o loo galulue faatasi foi ma le immigration NZ e tusa o fautuaga e manaomia i le mataupu lea.