Ua taulai nei se silasila mamao a le matagaluega o galuega tetele a le Malo o loo iai le vaaiga o auaunaga tau gataifale o le atunuu, e faia ni suiga i le tuuina atu o faatagana i vaa laiti e fia afea ogasami o Samoa, ina ia le toe tele ai le lavelave o feuiuia’iga e pei ona iai i le taimi nei.

Ua faaalia e le Minisita o galuega tetele o lana silasila mamao i le tulaga o loo iai nei auaunaga a le Malo e fitoitonu ma vaa e afea ogasami o le atunuu, e tatau ona tuu tasi i le matagaluega o galuega tetele e faamatuuina atu pemita mo vaa, nai lo le taimi nei e ese foi le pemita faataga a le vaega o auaunaga tau femalagaa’iga i le matagaluega a le Palemia ma le Kapeneta. 

Le Minisita o Galuega tetele o loo iai ma le vaaiga o auaunaga tau gataifale le Marine, le tofa Olo Afoa Fiti Vaai i se faatalanoaga i le amataga o lenei vaiaso.