E ono faia nisi tulafono fou e agai tonu i ituaiga pupuni mo faamalama, window blinds ina ua faamaonia i suesuega sa faia e toaono tamaiti na maliliu ona o aafiaga mai ituaiga pupuni ia talu mai le 2009.

E le o iai ni tulafono e faatatau i pupuni faamalama ia e fai manoa i Niu Sila ae iai atunuu ua faia se faatatau i le tulaga lea e pei o Ausetalia, Amerika ma Kanata.

Peitai la o le asō ua amata ai suesuega a le matagaluega, Ministry of Business, Innovation and Employment e uiga i le faafitauli lea ma ni tali e ono tuuina iai. 

O pupuni o loo agai iai popolega o pupuni ia e iai manoa, roller blinds, concertina ma Roman blinds faapea foi isi ituaiga pupuni o le Venetian, fai mai le sui o le matagaluega e tele foi gaioiga ua faia i lenei mataupu aemaise ona e lamatia le ola o fanauiti i ia ituaiga manoa ma chords ma ua manatu ai e ao ona vaavaai loa i tulaga tau le puipuiga ma sailia foi ni finagalo o tagata i le mataupu ma o i o le a faamoemoe iai le fauina o ni faiga faavae i tulaga tau le puipuiga e faatatau i lea mataupu.

E manatu le matagaluega o le a tele nisi soifua e faasaoina aemaise fanau pe a faatulaga lelei ia foi auaunaga mo malologa filemu a tagata.