Fai mai o loo silasila le vaega faaupufai a le Leipa i le faaaogaina o ni faiga ua ta’ua o phone jammers i aoga ina ia faaitiitia ai ma taofia le faaaoga sese o telefoni i le taimi o aoaoga. 

Ua lipotia i le asō le mae’a folafola e le taitai o le Leipa o Chris Minns le fuafuaga a le vaega faupufai e faasā ai le faaaogaina o telefoni feaveai i aoga pe afai ae manumalo i le palota o le a faia i le faaiuga o le masina nei.

O lea la ua folafola mai ma le isi gaioiga lea e ono faia i telefoni, fai mai o loo vaavaai ai i le faaaogaina o faiga faatekonolosi e taofia ai le tatagi o le telefoni pe sau foi i totonu se text pe faaaoga foi le social media i taimi o loo faia ai le aoga.