Ua lipotia i le asō le silasila o le kamupani a le Fonterra i le faatauina uma poo se vaega foi o lana pisinisi ae faasee ane e avea o se tasi o paaga i le saunia o oloa, dairy nutrition products i isi pisinisi faavaomalo.
O le One News ua ta’ua ai o brands a le Fonterra e aofia ai le Anchor, Mainland, Kapiti, Anlene, Anmum, Fernlead, Western Star, Perfect Italiano ma isi.
Saunoa le Ofisa Sili o le Fonterra Miles Hurrell i le faatalanoaga ma le One News o le co op poo le faiga faapaaga lea e ono faaopoopo ai le value poo le tāua o ia oloa i le au faifaatoaga i tulaga faapisinisi.
Ua faailoa i le lipoti o lea fuafuaga a le kamupani e ono aofia ai ma ona nofoaga e 17 i le lalolagi atoa e aofia ai ma le tolu i Niu Sila nei.O le umi ua feta’ua’ina e ono faagasolo ai le faatauina o units o le pisinisi pe ā ma le 12-18 masina ma e manaomia ai foi le fesoasoani a Shareholders.
Puna o Faamatalaga: https://www.1news.co.nz/2024/05/16/fonterra-considers-selling-anchor-mainland-kapiti-brands
