Ua faalauiloa mai e le Sui Minisita o Tupe, le afioga Leota Laki Lamositele Sio tau fou ua siitia ai nei le suauu i Samoa mo lenei masina o Mati.
O nei suiga e afua atu i le asō ma o le penisini o le a siitia i le 22.2 sene i le lita mai le $3.03 i le $3.26 i le lita. O le tiso ua siitia nei i le 3.6 sene i le lita mai le $3.52 i le $3.56 i le lita. O le karasini ua siistia nei i le 9.2 sene i le lita mai le $3.11 i le $3.20 i le lita.
O nei suiga e tele ina faailoa mai i masina taitasi ma o loo faaauau pea ona aafia le maketi mo suauu e lei faamamaina ma maketi o oloa tau suauu i faiga faavaomalo ma isi aafiaga tau le gaosiaina o le suauu.
O le masina o Tesema o le tausaga na tea nei lea na pa’ū tele le tau o le suauu peitai i le amataga o lenei tausaga na siitia maualuga ai le tau o le penisini ae tau leai se suiga o le tau o tiso ma le karasini.
