O le aofai o fesoasoani tau tupe na totogi atu i tagata na aafia i Kuiniselani i sauaga ua siitia pea ma ua toatele foi i latou ua talosaga mo ni fesoasoani.
O i latou ia sa maua vaegatupe e oo i le 39.6 miliona o peimeni fesoasoani mai le faigamalo a le setete i le ofisa a le Victim Assist Queensland agency.
O le tausaga faaletupe talu ai na faamauina ai talosaga e 7,621 mo se fesoasoani, ua faamauina ai le siitia o ia talosaga fua i le tausaga i tua atu.
Mai talosaga sa tuuina i le 2022-2023 e silia ma le ‘afa, tusa lea e 4,300 talosaga e iai sootaga i sauaga mai totonu o aiga.
O isi talosaga e 1,518 na faia i le tausaga faaletupe talu ai e iai sootaga i faaoogalima, o isi e agai i mataupu tau sauaga matagā ma isi e faatatau i soligatulafono o le gaoi.
Ina ua fesiligia le matagaluega o faamasinoga i le siitaga o le aofai o talosaga, na o latou ta’ua e 17 isi avanoa faigaluega fou a le malo ua faia i le piliota lea 2021-2022 e fesoasoani ai i tagata na aafia poo victims.
