E ono oo atu i le 3 miliona le aofai o avetaavale maua e meapu’eata fou ua ta’ua o speed cameras.
O lea e tasi miliona pepa o faasalaga e tuuina atu i ave taavale saosaoa i le tausaga, ma o le faia o cameras fou o loo vaavaai ai pe a ma le 3 miliona i le tausaga.
I le taimi nei o meapu’eata nei ua amata faata’ita’i i Aukilani ma e faapea e oo atu i le 50,000 i latou maua ai a lē o le leai o se fusipau, o le faaaogā o le telefoni.
E ese mai i le faalagolago i ata maua mai nei meapu’eata, o lea foi o le a suia le system tuai o loo faalagolago ai i leoleo latou te faia pepa o faasalaga ma e faapea o le a vave ma o le a faaaogā ai foi le agai online.
O le faataatiaga o fuafuaga ma piriota o poloketi a le pulega e foliga mai ai o masina o totoe o le tausaga lenei o loo taula’i ai i le faata’ita’iga o meapu’eata.
