O le faalapotopotoga o le UNICEF e fitoitonu ma polokalame mo le manuia o fanau a atunuu o loo lavea i le li’o o Malo Aufaatasi e pei o Samoa, ua fesoasoani mo le a’oa’oina lelei o le ‘augalulue i le Matāgaluega o Tinā ma Tama’ita’i, Atina’e o Afio’aga ma Agafesoota’i, i le tuuina atu lea o fesoasoani i aiga, nuu ma afio’aga o le tatou atunuu.
Talu ai nei na tatala ai e le Minisita o lea matāgaluega a le malo, le afioga Moefaauouo Julius Ah Kui Tafuna’i le a’oa’oga mo le ‘aufaigaluega fesoasoani tau agafesoota’i, i le faamoemoe e ave iai le lagolago malosi a le malo.
