E faitau afe social workers o loo galulue faakonekarate i lalo o le malo mo le komiuniti o le a maua siitaga o o latou totogi, ma o lea o le a totogi tutusa ai ma social workers a le Oranga Tamariki.

O se tala fiafia lea i le toatele o i latou nei ma le tala ua tele tausaga o lē lelei ma lē amanaia lo latou sao.

I le taimi nei o social workers nei i tua i le komiuniti e tusa ma le $28 i le itula o loo totogi ai ma o i latou nei o loo galulue ma aiga o loo moomia le fesoasoani aemaise fanau e le o saogalemu.

O se tasi lenei o auaunaga e toatele i le itupa o tina.

E $114 miliona tupe a le malo o le a faaalu i lenei siitaga ma o le a manuia ai ma le tusa ma le 4,600 social workers.

E le o mautinoa i le taimi nei poo le a le umi e faatali ai ae o afea foi e aloaia ai.