O le alu i luga o le tau e vaaia ai le fomai ua faapopoleina ai gasegase.
Ua lipotia e le Stuff o lea e iai nisi o fomai faaleaiga ua oo atu i le $70 e vaaia ai.
O le masina talu ai na teena ai le siitaga e 4% o fesoasoani faatupe e le matagaluega ma le tala e tatau ona sii tau o loo vaaia ai gasegase i le 7.7% e faafetaiai ai le inflation.
O le mafuaaga ua toe oo ai nei i faatalanoaga ma e iai nisi o fomai faaleaiga ua sii i luga tau o auaunaga.
Na saunoa ai le faatonu o le General Practice NZ Bryan Betty, o loo faatali nei i le malo i lana polomisi na fai mai e toe faatulaga ai le matagaluega ma e na o le malo foi e maua mai ai le tupe auā auaunaga mo le isi 2 i le 5 tausaga.
Saunoa Betty, a aunoa ma le malo o lona uiga o le a oo atu i gasegase tau maualuluga e tatau ona totogi.
A o taumafai ai foi fomai faaleaiga e sii tau o auaunaga mo le mautinoa e faaauau pea ona vaai gasegase, o le maualuluga o tau e vaaia ai fomai faaleaiga e ono tuu ai foi ma le avega i luga o emergency departments ona pau lea o le isi faai’uga a tagata e faia ona e vaai fua.
I se lipoti a le The Press o loo ta’ua ai e tele fomai o loo faia taotoga i Kalaiesetete o lea ua tuu i luga tau o auaunaga i totonu o le 6 masina talu ai ona o le o i luga o tau e faatupe ai auaunaga nei.
Puna o Faamatalaga: Some Christchurch GPs charging $70 per visit | The Press
