Ua sola mai nei le ‘au e i lalo o le 20 tausaga le matutua a le atunuu, ma le siamupini o le taamilosaga o le taaloga lakapi mo lenei tausaga, ina ua manumālō le ‘au a Niu Sila, i le ‘au mai Aferika i Saute i ‘ai e 48 i le 45.
E maitauina i le taaloga a le Under 20, na fai lava sina faigatā o le taaloga, ma e le’i tau ‘ai le ‘au a le atunuu mo se taimi ina ua tau ‘ai le ‘au a le Springboks ma 19 ai o latou ‘ai i le leai a le ‘au a Niu Sila.
Na maitauina foi le fetaia’i o le ‘au laiti ma nisi o faafitauli i le taaloga ina ua oo i le tulaga o le to’asefulutolu alii i le malae, ina ua tuli i tua se tasi o le ‘au ma le isi na faamālōlō mo le 10 minute.
Ae e ui i le to’alaiti o le numera o le ‘au a le atunuu, ae na tulei malosi le ‘au ma tau ‘ai faapea le oo ai lava ina manumālō, 3 ‘ai na sili ai i le ‘au a Aferika.
O le alii o Harlyn Saunoa na maua ai sikoa e 3 ma le alii o Maloni Kunawave na maua ai sikoa e 2 i lea su’ega siamupini.
I le sau ai o lenei taamilosaga, na tutusa ‘ai o Niu Sila ma Ausetalia i le faatulagaga o ‘ai o ‘au taaalo na tausinio, peita’i na sili ‘ai Niu Sila ma manumālō ai loa i le su’ega siamupini.
Puna o Faamatalaga: https://www.rnz.co.nz/news/sport/560652/rugby-13-man-baby-blacks-retain-u20-championship-title
