Ua ausia e le au lakapi taitoafitu a le Laumua o Tumua se laasaga maualuga ile atiinaeina o le taaloga ina ua latou ausia mo le taimi muamua le siamupini i le ipu autu o le taamilosaga lakapi taitoafitu o loo faagasolo o loo lagolago e le kamupani telefoni o le Vodafone.
Na sue siamupini le laumua o Tumua ma le au malosi o le ott Constructors Tama Uli mai Salelologa i Savaii ma manumalo ai i ‘ai e 14 ile 12.
O le au a le BBE Vaiala ua tulaga tolu i le vae lona lima o le taamilosaga, ae o le au o le Pacific Ezy safotu ua saofai ile tulaga 4 ma le au o le HJ Keil Vaimoso ile tulaga 5.
I au a tamaitai i le vae lona lima lava o le taamilosaga lenei ua siamupini le au o le no Idea numera 2, na manumalo ile la sailiga o le manumalo ile Ipu autu ma le au a le Teine Samoa.
Ua tulaga 3 o le au a le No Idea numera tasi ile vaega o tamaitai. Ole vae lona lima o le taamilosaga sa faagasolo ile malae o le Apia Park ilea so faraile ma le aso Toonai na tea nei, ma e leo iloa se taimi e toe faaauau ai le taamilosaga lakapi taitoafitu a le pulega o le lakapi Samoa ma le Vodafone.
