Na faamalosia le tapunia o le malaevaalele i Munich i Siamani i le po anapo ina ua vaaia ai foi ni drones o feoa’i latalata ane iai.
O lipoti a le CNN i le aso ua ta’ua ai e 17 faigāmalaga sa faalēaogāina i le te’a o le 10 i le po anapo ma aafia ai le lata i le 3 afe o pasese ona o ia suiga pei ona faailoa e le pulega a le malaevaalele i se pepa o faamatalaga.
O isi foi faigāmalaga e 15 sa fuafua atu mo isi aai lalata ane o Munich sa faia foi iai fesuia’iga.
O le malaevaalele aupito lata mai lea ua oo atu iai faiga a i latou o loo faatonutonuina drones e pei ona lipotia le vaaia solo i malaevaalele i le Atu Europa.
O loo faia le su’esu’ega ma ua faailoa mai e leoleo o le a toe faailoa se isi lipoti pe a mae’a le su’esu’ega o loo faia.
Puna o Faamatalaga: https://edition.cnn.com/2025/10/02/europe/munich-airport-closed-drone-sighting-intl-hnk
