E oo atu i le 16 piliona le aofai o tupe o super a tagata e lei claim ina ma ua afua ai se unai mai le ofisa o lafoga a le atunuu le Australian Tax Office mo soo se tagata ina ia siaki a latou accounts pe o iai ni a latou tupe e lei tuuina mai le ofisa faatatau i le super.
O faamatalaga fou nei ua maua mai le Australian Taxation Office ( ATO ) mo tagata uma ina ia siaki a latou accounts ia silasila ai pe mafai ona o latou talosagaina ia tupe.
Fai mai le sui komesina o Emma Rosenzweig o nisi taimi e le toe maua ai se fesootaiga a tagata ma a latou faaputugatupe ia pe a suisui galuega e galulue ai. Fai mai a ia e faigofie ona toe maua ia tupe e ala foi i le faaaogaina ole mygov.
Ua faailoa mai e le vaega o loo nafa male matapu lea ole mea e ao ona fai o le siaki lea pe iai se vaegatupe o e agavaa ai aemaise o le siaki o le account poo le tusitupe e tuuina iai le tupe poo sa’o, atoa ai ma le silasila i luga o le upega tafailagi ale ATO.
