Ua sola ma le alii talavou Pasefika o William poo Iam Tongi le manumalo o le American Idol o lenei tausaga, 2023.
O Tongi e 18 tausaga, na tupuga ane i Kahuku i Honolulu i Hawaii ma o se alii e iai ona tupuaga Samoa faapea Tonga.
O le matati’a ua faatu e Tongi, o ia o le uluai Pasefika ua manumalo i le tauvaga pese a le American Idol poo se tasi o tauvaga e lauiloa i le lalolagi.
O loo faaalia foi i luga o fesootaiga televavave, le mitamita o tagata Hawaii lava latouo, auā o se uluai taimi foi lenei ua manumalo ai se tasi mai Hawaii i le American Idol.
O se alii talavou na tauva muamua i le American Idol, ae lei manuia ma o lea na toe taumafai ai i le tausaga nei ona o lona talitonuga o le manaoga lea o lona tamā ua fai i lagi lana folauga.
