Ua faasolo atu le sailiga o le tagata na faaoolima i le tagata faigaluega i le dairy i Sandringham i le aso  lona tolu lenei e lei maua lava.

E pei ona auina atu i talafou i le aso ananafi le faalavelave lea ua iu ina maliu ai si alii faigaluega o le dairy ina ua osofaia le faleoloa lea e se alii ma afaina ai lē ua maliu.

O loo iai se ata o le tagata lea o loo ua tuuina i luga o upega tafailagi pe ono silafia e se tasi. O se faalavelave ua faatupu ai le lē fiafia o le toatele aemaise foi i le komiuniti faipisinisi i lea faaitu.

O se tasi itu e faanoanoa ai le toatele e silafia lē ua maliu ona faatoa mae’a lana faaipoipoga ma o loo tau amata le la aiga ma si ona toalua lea ua tuua nei na o ia.