Fai mai le Palemia o Chris Hipkins e pei ona lipotia e le Newshub, o le manaoga mo le faia o se taotoga e tatau ona faamuamua ae ua ia faailoa i le minisita o le soifua maloloina ia faamautinoa e le o iai se tulaga faailogatagata o faia.
Ta’ua e le Palemia i lea lipoti o le taimi nei o loo iai faamaoniga manino o tagata Maoli, Pasefika ma i latou e itiiti tupe maua ua faia iai ni faiga faailogatagata e le system a le soifua maloloina.
I se taumafaiga e faapaleni mea o loo foliga e le o tutusa, ua faalautele ai e se team o fomai i le Te Whatu Ora le faiga ua faaigoa o le Equity Adjustor Waitlist tool mo taotoga e le o manaomia vave.
E lima la factors o loo faalagolago iai le lisi lea e aofia ai ma le factor lea sa fesiligia ai ma le tupuaga o le tagata, lea sa faailoa ai finagalo lē fiafia o le toatele i le vaiaso talu ai,fai mai le itu agai o se faiga faailogalanu.
Ua faailoa e Hipkins i le lipoti lea o le a faamautinoa e le minisita o le soifua maloloina pe o iai ni faiga faailogatagata i le mataupu lea.
