E manatu lē sa avea ma palemia o Niu Sila, Jacinda Adern e tatau i taitai uma ole Pasefika ma o latou atunuu ona fai la latou matafaioi pe a oo i le mataupu e faatatau i suiga ole tau.
Fai mai Adern afai o le a avea se taitai poo se atunuu e faaleoina ni finagalo e faatatau i suiga ole tau, e tatau la ona malamalama e iai le pitolaau e tatau ona faatino.
O ia saunoaga ua faia i le fonotaga a le Cop30 i Brazil.Lipotia i le leitio faavaomalo a Niu Sila sa manao le minisita ole va i fafo a le atunuu, Winston Peters e talanoa i taitai ole Pasefika ile mataupu lea ma e lei fia faia foi se saunoaga a Adern ina ua fesiligia i sona finagalo ile mataupu pei ona laga e Peters ae na ia faailoa o loo mafai pea ona ausia le tuutuuga sa iai ia faaitiitia le kasa oona ile siosiomaga, peitai ua itiiti ane lava le avanoa.Taua ile lipoti o loo taulai le silasila ale pasefika ia avea latou ma uluai nofoaga ile lalolagi e faamoemoe tasi i malosiaga toe faafouina, renewable energy.)
