Ua folafola e le malo se peimeni mo tagata e umia fale ia na aveesea mai ai i latou ona o aafiaga o le tau sa aafia ai le atunuu i le taimi ua tuanai i le afā ma lologa.
Fai mai o lea peimeni o le a amata avanoa ane i le aso 4 o Setema o le tausaga nei ma e tai vaiaso ma faia.
Saunoa ai le minisita o le matagaluega o le Social Development and Employment, Carmel Sepuloni o lea peimeni o le a kava ai le 100 pasene poo le aofaiga atoa o le average rent o loo faamauina mo i latou o loo maua le Accommodation supplement.
O loo taulai lea peimeni i tagata e lē o aofia i le fesoasoani o loo totogi ai nofoaga lē tumau temporary private accommodation e nonofo ai a o faatalia se faaiuga poo galuega foi o loo faia i o latou fale.
Saunoa le minisita i le mae’a ai o le asia o vaega na matuai aafia i uiga loulouā o le tau i lenei tausaga atoa ai ma le faatalanoaina o ia aafiaga i tagata, ua manino ai e manaomia lava lo latou fia mautinoa poo ā tulaga o le a iai ina ia faia a latou fuafuaga agai i le lumanai ma toe fia foi i le soifuaga e pei ona masani ai.
O le igoa o le peimeni lea e pei ona faailoa e Sepuloni o le North Island Weather Events Temporary Assistance.
