Ua sauni le faigamalo a Vitoria e folasia ma saga faamausalī le faamalosia o tulafono faatatau i le tatala ai i tua o tagata mai le falepuipui.

Ua folasia e le Premier o Vitoria Jacinta Allan ia suiga ma ua ave ai le faamamafa i le ave ai o le faamuamua i le saogalemu o tagata lautele nai loo nisi lava faaiuga.

Ta’ua i lipoti o le a agai foi le faigamalo e tapu aga’ese, o se tasi lea o fuafuaga ua faia e faatatau lea i faalavelave e tutupu i le faaaogaina ai o ia auupega, sei vagana lava o ni mafuaaga tatau e mafai ai ona faaaoga.

Faailo e le Premier o lona talitonuga faapea le faigamalo, o tulafono o loo iai nei e lē o talafeagai ma manaoga o tagata lautele ma e manaomia ai ona faamalosia atili le tulafono e faatatau i le tagata e tatala i tua mai le to’ese poo le tatala ai mai le vaaiga a leoleo.  

Puna o Faamatalaga: https://www.9news.com.au/national/victorian-government-introduce-toughest-bail-laws-in-australia/619c8c86-e544-4903-a7b9-8e2910af604c